Буроны байгом сывæллæтты рæвдауæндон

Буроны байгом сывæллæтты рæвдауæндон. Ацы цаумæ хъæуы цæрджытæ, сæйрагдæр та сабитæ æнхъæлмæ кастысты 8 азы. Кадджын бæрæгбоны архайдтой республикæйы æмæ районы разамынды уæнгтæ, Буроны цæрджытæ, уызджытæ. Рæвдауæндонмæ уал цæудзæн 25 сывæллоны. Мæнæ сты бæрæгбоны сæйраг архайджытæ, ног рæвдауæндонмæ чи бацæудзæн, уыцы сабитæ. Буроны цæрджытæй дарддæр ардæм райсдзысты сыхаг Нузалы сывæллæтты дæр. Кадджын уавæры хъæуы цæрджытæн раарфæ кодтой республикæйы ахуырады æмæ наукæйы министры хæдивæг Хъазахты Теминæ, Алагиры районы разамынды уæнгтæ. Ног рæвдауæндоны бынат ис 50 сабийæн. Сывæллæттимæ кусдзысты нырыккон программæйы руаджы. Фыццаджыдæр ам стыр æргом здæхт цæудзæн сывæллæтты сфæлдыстадон райрæзтмæ. Гогаты Тамарæ, Буроны сывæллæтты рæвдауæндон «Уадындз»-ы сæргълæууæг: «Куысты бынæттæ дзы ис æдæппæтæй 10, уыдон дæр сты се ппæт дæр буроны цæрджытæ, æмæ уымæй дæр, кæй зæгъын æй хъæуы, адæмы уавæр фæрæвдздæр ис, 10 кусæнбынаты уый дæр гыццыл нæу». Ног бæстыхай арæзт æрцыд раздæры рæвдауæндоны бынаты. Бантыст ын йæ къултæ бахъахъæнын дæр. Ис дзы дыууæ сæйраг агъуысты, дзаумæттæ ивæн æмæ хæринаг кæм кæндзысты, ахæм бынæттæ. Æппæт куыстытæ дæр сæххæст кодта компани «Спецтепломонтаж». Нырма уал рæвдауæндон æххæстгонд нæу æппæт хъæугæ кусæнгæрзтæй. Уыдон балхæнынæн хъæуы 1 милуан æмæ 200 мин сомы. Ацы фарстатæ йæхимæ райста Алагиры районы разамынд æмæ сæ сæххæст кæндзæн цыбыр æмгъуыдмæ. Хæдарцаты Руслан, Алагиры районы администрацийы сæргълæууæг: «Цыдæриддæр дзы хъæуы уыдон, цæмæй рæвдауæндон æркуса æмæ дзы алцыдæр уа, цы æмбæлы, уыдон æмæ мæнæ гыццыл цыдæр фарстатæ раст нæ бамбæрстам кæрæдзийы æмæ мæнæ ног аз мах сраст кæндзыстæм æмæ дзы уыдзæн алцыдæр, мæнæ сæ ныффыстой, цыдæриддæр сæ хъæуы, уыдон, æмæ æз зæгъын, уыдон иууылддæр уыдзысты ам, рæвдауæндоны». Рæвдауæндонмæ цæудзысты, Буронмæ хæстæг цы арæнхъахъæнджытæ кусынц, уыдоны сывæллæттæ дæр. Рæвдауæндоны фæзуат стыр нæу. Уымæ гæсгæ алы къорд дæр адих кодтой цалдæр хайыл. Мæнæ ам сывæллæттæ кæндзысты фынæй, уæртæ уым хæргæ, гыццыл фалдæр та кæндзысты хъазгæ. Буроны рæвдауæндон нæ уыд 8 азы. Уыцы рæстæг ныййарджытæ сæ сабиты кодтой Мызурмæ. Куыд зæгъынц, афтæмæ тынг тыхстысты æнæ рæвдауæндонæй. Бедойты Светланæ, ныййарæг: «Тынг зын у мызурмæ, райсомæй дæ сывæллоны 7 сахатыл райхъал кæн, йæхæдæг дæр тынг тыхсы уымæй, схон сæ арæнхъахъхъæнджытæ цурмæ, уырдыгæй автобусыл æмæ та ацу. Изæрыгон дæр афтæ. Тынг хæстæг цæрын æз садикмæ æмæ мын тынг фенцондæр уыдзæн». Рæвдауæндоны кæрты ма фæнд кæнынц сывæллæттæн хъазæн бынат саразын, стæй бæстыхайы алыварс быру скæнын. Куыстытæ кæндзысты 2016 азы, сæрды. Фыццаг сывæллæттæ та рæвдауæндонмæ цæуын райдайдзысты ног азы. Гугкаты Иринæ
 
По теме
ПАМЯТКА «Телефонные мошенничества» Основные способы дистанционных хищений денежных средств, при которых мошенники вводят граждан в заблуждение посредством телефонных звонков: Вариант : (звонок сотрудника банка),
Моздокский район
В результате проведения комплекса оперативно-розыскных мероприятий сотрудниками Управления по контролю за оборотом наркотиков МВД по РСО-Алания задержана ранее судимая 47-летняя жительница г. Новороссийска,
ОМВД Республики Северная осетия-алания
Чем опасны клещи и как с ними бороться Иксодовые клещи – особое семейство клещей, включающее огромное количество разных видов, среди которых есть особо опасные кровососущие переносчики серьезных инфекционных заболеваний.
Роспотребнадзор
Туберкулез Туберкулез является широко распространенным инфекционным заболеванием человека и животных, вызываемым микобактериями туберкулезного комплекса (Mycobacteriumtuberculosiscomplex– МТВС).
Роспотребнадзор
В МОО рамках клуба «Мотиватор» прошла встреча с Амирханом Торчиновым - Iriston.Ru В Московской осетинской общине функционирует дискуссионный молодёжный клуб «Мотиватор», гостями которого становятся наши уважаемые соотечественники, делящиеся своим богатым жизненным и профессиональным опытом.
Iriston.Ru